Wazzup Pilipinas!?
Nasa 78,000 na kwalipikadong jeepney operators ang maaari nang magamit ang halagang P7,200 bilang "one-time" fuel subsidy bawat isa para sa kanilang mga drivers simula ngayong araw, ika-24 ng Nobyembre 2021.Ito ay matapos pormal na ilunsad ang Fuel Subsidy program kasabay ng ceremonial signing ng Joint Memorandum Circular (JMC) sa pangunguna ng Department of Transportation (DOTr) at Land Transportation Franchising and Regulatory Board (LTFRB) sa pagitan ng iba pang ahensiya kabilang na ang Department of Energy (DOE), Department of Budget and Management (DBM) at Land Bank of the Philippines (LBP).
Sa tala ng LTFRB, mahigit 136,000 public utility jeepney (PUJ) operators o franchise holders ang kwalipikadong benepisyaryo ng programa, habang 85,000 sa mga ito ang mayroon ng active Pantawid Pasada Program (PPP) ATM cards mula noong 2018-2019. Mula sa bilang ng active PPP ATM card holders, nasa 78,000 operators ang maaari nang gumamit ng subsidiya para sa pagpapakarga ng krudo ng kanilang mga drivers.
Sa kanyang mensahe na ibinahagi ni DOTr Undersecretary for Finance Giovanni Lopez, binigyang-diin ni DOTr Secretary Art Tugade na ang fuel subsidy ay bilang tulong sa mga driver at operator ng PUJs na lubhang naapektuhan ng krisis dulot ng pandemya at magkakasunod na mga pagtaas ng presyo ng langis.
“Sa pamamagitan nitong programa na ito, Mamang Tsuper, nawa’y inyong patuloy at buong-puso niyong gampanan ang inyong mahalagang papel at tungkulin sa ating mga commuter. Maagang aguinaldo po ito para sa ating mga kasamahang tsuper para maging Merry ang kanilang Christmas,” ayon kay Secretary Tugade.
“Good news po. According to Land Bank, as of yesterday, they were already able to credit the amount of P7,200 to around 78,000 beneficiaries. So ‘yun pong merong existing PPP cards, they have to check po sa ATM nila ‘yung account balance. Again, we would like to put emphasis that this should be used for fuel purchases po,” pahayag naman ni Atty. Zona Russet Tamayo, LTFRB-NCR Regional Director at Legal Division OIC.
Samantala, sinabi ni LTFRB Chairman Martin Delgra III na ang P1 bilyong halaga ng fuel subsidy ay patunay ng patuloy na malasakit ng pamahalaan sa mga PUJ drivers at operators. Matatandaang ang pondo na ginamit para sa program ay mula sa 2021 General Appropriations Act (GAA) na inaprubahan ni Pangulong Rodrigo Roa Duterte sa pamamagitan ng Development Budget Coordination Committee (DBCC).
“Kailangang tulungan natin ang transport sector lalong lalo na ang mga tsuper at operator ng public utility jeepneys o PUJ, hindi lamang para maibsan ang gastusin sa araw-araw na pagmamaneho pero higit pa para masiguro ang pagpapatakbo ng pampublikong sasakyan para sa ating mas nakakaraming mananakay,” ani Chairman Delgra.
Pareho namang nagpahayag ng suporta ang DOE at LBP, na mga katuwang ng DOTr at LTFRB, sa implementasyon ng programa.
“This is why we, at the Department of Energy, welcome today’s signing of the Joint Memorandum Circular on the implementation of fuel subsidy program. A product of our collective efforts, the Pantawid Pasada Program would once again extend much needed assistance to legitimate public utility jeepneys franchise holder,” pahayag ni DOE Usec. Jesus Cristino Posadas, bilang kinatawan ni Energy Sec. Alfonso Cusi.
“Mahalaga po ang tungkulin ng Land Bank sa programming ito. Ang agarang paghahatid ng tulong pinansyal sa mag franchise operators sa buong bans para matanggap nila ang kanilang sabsidiya mula sa pamahalaan,” mensahe naman ni LBP Pres. Cecilia Borromeo.
Maaaring gamitin ang fuel subsidy para ibayad sa ikinargang krudo mula sa mag gas stations na nakiki-isa sa programa. Kabilang dito ang mga gas stations ng Petron, Shell, Seaoil, Total, Jetti, Rephil, Caltex, Petro Gazz, at Unioil.
Ross is known as the Pambansang Blogger ng Pilipinas - An Information and Communication Technology (ICT) Professional by profession and a Social Media Evangelist by heart.
Post a Comment